போட்டியாளர்கள் விண்ணப்பிக்கும் முறை | Agaramuthali

SUNFO அகரமுதலி தமிழ் நிகழ்நிலை கவிதை போட்டி 2021

"நிலவும் கொரோனா கொவிட்-19 தொற்று நிலைமையுடன் நிலைப்பேண்தகு அபிவிருத்தி இலக்குகளை அடைதல்."

இந்த ஆண்டு "உலகளாவிய Act 4SDGs வாரம் மற்றும்" ஐக்கிய நாடுகள் தினத்தை நினைவுகூரும் வகையில், 2021ம் ஆண்டுக்கான SUNFO பசறை இளைஞர் மன்றத்தினால் மீண்டும் ஒரு அத்தியாயத்தை நோக்கி அகரமுதலி தமிழ் கவிதைப்போட்டி ஊவா மாகாண இலக்கிய வரலாற்றில் முதல் முறையாக நிகழ்நிலையினூடாக நடாத்தப்படவிருக்கிறது. இப்போட்டியில் பங்குபற்றி உங்கள் கவித்திறனை வெளிப்படுத்தி உங்கள் திறமையான அங்கிகாரத்தை பெற்றுக்கொள்ள இன்றே விண்ணப்பியுங்கள்.

Official Poster in English

 

Sustainable Development Goals - SDGs in Tamil

நிலைப் பேண்தகு அபிவிருத்தி இலக்குகள், வளங்குன்றா வளர்ச்சிக் குறிக்கோள்கள் அல்லது நிலையான அபிவிருத்திக்கான நோக்கங்கள் அல்லது உலகளாவிய குறிக்கோள்கள் (Sustainable Development Goals - SDGs),  என்பவை வருங்காலத்தில் பன்னாட்டு வளர்ச்சியானது எட்டவேண்டிய இலக்குகள் பற்றிய ஐக்கிய நாடுகள் சபையின் முன்மொழிவுகளாகும். இவை ஐக்கிய நாடுகளால் உருவாக்கப்பட்டு, நிலையான அபிவிருத்திக்கான உலகளாவிய நோக்கங்களாக ஊக்குவிக்கப்படுகின்றன. இவை 2015ஆம் ஆண்டின் இறுதியில் காலாவதியான புத்தாயிரமாண்டு வளர்ச்சிக் குறிக்கோள்களைப் பதிலீடு செய்வனவாகும். இது, 2016 ஆம் ஆண்டு முதல் 2030 ஆம் ஆண்டு வரையிலான பதினைந்து ஆண்டு காலத்திற்குரிய 169 குறிப்பிட்ட இலக்குகளுடன் கூடிய 17 பன்னாட்டு வளர்ச்சிக்கான குறிக்கோள்களைக் கொண்ட தீர்மானம் ஆகும்.

• நிலைப் பேண்தகு அபிவிருத்தி இலக்குகள்
• நிலையான வளர்ச்சி இலக்குகள்
• வளங்குன்றா வளர்ச்சிக் குறிக்கோள்கள்

செப்டெம்பர் 25, 2015 அன்று ஐக்கிய நாடுகள் பொது அவையிலுள்ள 193 நாடுகள் "நமது உலகத்தை உருமாற்றுதல்" (Transforming our world) என்ற தலைப்பிலான 2030 வளர்ச்சி செயல்நிரலுக்கு ஏற்பளித்தன. இச்செயல்நிரலில் அடங்கியுள்ள 17 குறிக்கோள்களாவன:

(SDGs) to transform our world

நிலைப் பேண்தகு அபிவிருத்தி இலக்குகள் பற்றி மேலும் தெரிந்துக்கொள்ள

01. வறுமையை அனைத்து மட்டங்களிலும் அனைத்து இடங்களிலும் ஒழித்தல்.

02. பசியால் வாடுதலை முடிவுறுத்தல்.

03. ஆரோக்கியமான வாழ்க்கையை உறுதிப்படுத்தல் மற்றும் அனைவருக்கும் அனைத்து வயதிலும் நல்லிருப்பை உறுதிப்படுத்தல்.

04. சமமான பரம்பலடைந்த சகல சமூகங்களுக்கும் வாய்ப்புக்கிடைக்கக் கூடியவாறு கல்வியை பெற்றுக்கொள்வதை உறுதிசெய்தலும் அனைவருக்கும் வாழ்நாள் பூராகவும் கல்வியைப் பெற்றுக்கொள்ளக்கூடியவாறு அதனை மேம்படுத்தல்.